शाळेत गंमत जत्रेचे आयोजन करण्यात आले. हॉलमध्ये विविध वस्तूंचे प्रदर्शन, विक्री व वर्गांमध्ये मुलांसाठी बौद्धिक खेळ असे स्वरूप होते. सध्या मुलांना बौद्धिक खेळ म्हणजे बैठक तयार होऊन एकाग्रता वाढेल बरोबरीने  वेगवेगळे मैदानी खेळ खेळण्याची आवड निर्माण करणे गरजेचे आहे.  या जत्रेचे  उदघाटन डेक्कन एज्युकेशन सोसायटीच्या नियामक मंडळाचे माजी अध्यक्ष मा. डॉ. शरदजी कुंटे सर यांच्या हस्ते करण्यात आले. 

गेली ४ ते ५ वर्ष या जत्रेचे आयोजन करण्यात यशस्वी झालो आहोत. दरवर्षीप्रमाणेच या ही वर्षी छान प्रतिसाद मिळाला. पालकांनीही मुलांना वैविध्यपूर्ण खेळ खेळण्यास मिळाले असा अभिप्राय नोंदवला. टॅटू, सेल्फी पॉईंट यांनी जत्रेस रंगत आणली. मा. मुख्याध्यापिका अमिताताई दाते यांच्या मार्गदर्शनाखाली या जत्रेचे आयोजन करण्यात आले.