मोठ्या गटातील मुलांनी ‘बिनभिंतीची शाळा’ या उपक्रमांतर्गत पालकांच्या सहकार्याने, आपल्या ताई-मावशींसोबत ऐतिहासिक केसरी वाड्याला भेट दिली. या भेटीदरम्यान केसरी वाड्यातील गणपतीच्या मूर्तीला मा. मुख्याध्यापिका अमिता ताई व पालकांनी हार अर्पण करून पूजन केले. मुलांना केसरी वृत्तपत्राचा छापखाना दाखवण्यात आला. वृत्तपत्राची छपाई कशी केली जाते, याची माहिती मुलांनी उत्सुकतेने जाणून घेतली. तसेच वस्तुसंग्रहालयाला भेट देऊन मुलांनी विविध ऐतिहासिक वस्तू पाहिल्या आणि आपल्या इतिहासाची, संस्कृतीची व समृद्ध वारशाची ओळख प्रत्यक्ष अनुभवातून करून घेतली.

.