आज शाळेत लोकमान्य बाळ गंगाधर टिळक यांच्या पुण्यतिथीचे औचित्य साधून विशेष 'बालसभेचे' आयोजन करण्यात आले होते.कार्यक्रमाची सुरुवात शाळेच्या मुख्याध्यापिका सौ. अमिता ताई आणि सभेच्या अध्यक्षा कु. जिजा गोगावले यांच्या शुभहस्ते लोकमान्य टिळकांच्या प्रतिमेचे पूजन करून झाली.यानंतर विद्यार्थ्यांनी दैविक जाधव, कैवल्य कुलकर्णी, इरा वझे आणि चैतन्य गुरव यांनी टिळकांच्या शौर्य, निष्ठा आणि वक्तृत्वावर आधारित सुंदर गोष्टी मांडल्या.बालसभेत स्वरूप कोकणे याने लोकमान्य टिळकांची हुबेहूब वेषभूषा साकारून सर्वांचे लक्ष वेधून घेतले.या संपूर्ण कार्यक्रमाचे बहारदार सूत्रसंचालन राज्ञी कुलकर्णी हिने केले, तर उपस्थितांचे आभार आद्या पिसाळ हिने मानले.