न्या. रानडे बालक मंदिर, पुणे येथे आंतरराष्ट्रीय योग दिन उत्साहपूर्ण वातावरणात साजरा करण्यात आला. मिनी केजी व छोट्या गटातील विद्यार्थ्यांनी आपल्या ताईंच्या मार्गदर्शनाखाली विविध योगासने व प्राणायामाचा सराव केला. मोठ्या गटातील विद्यार्थ्यांनी ताईंसोबतच शाळेचे पालक आणि योग अभ्यासक  माधुरीताई केळकर-फडके आणि त्यांच्या सहकारी वल्लरीताई आपटे यांच्या मार्गदर्शनाखाली योगाभ्यास केला. विद्यार्थ्यांनी मोठ्या उत्साहाने सहभाग घेत योगाचे महत्त्व अनुभवले. योगामुळे शारीरिक व मानसिक आरोग्य सुदृढ राहते, हा संदेश या उपक्रमातून देण्यात आला. हा योग दिनाचा कार्यक्रम शाळेच्या मुख्याध्यापिका मा. सौ. अमिता ताई दाते यांच्या मार्गदर्शनाखाली यशस्वीरीत्या संपन्न झाला.